Дмитриј Песков, портпаролот на рускиот претседател Владимир Путин, денеска потврди дека Путин на својот американски колега Доналд Трамп му дал личен подарок, но не откри детали.
Песков, одговарајќи на новинарско прашање за тоа што Путин му дал на Трамп, рече дека тоа е „апсолутно личен подарок“, пренесе Интерфакс.
Бидејќи подарокот е од лична природа, не би сакале да даваме дополнителни информации, освен ако самиот претседател не смета дека е соодветно да зборува за тоа во одреден момент, нагласи Песков.