Тирамису колач во малку поинаква верзија …
Потребно е:
24 пишкоти
250 мл јако еспресо кафе
1 лажица шеќер (или повеќе, по вкус)
3-4 лажици виски (или рум, по избор)
за филот од тиква:
250 гр маскарпоне сирење
200 мл слатка павлака
400 гр сварена (на пареа) и испасирана
4-5 лажици шеќер во прав
1/2 лажиче цимет во прав
1/4 лажиче ѓумбир во прав
1/4 лажиче мелено морско оревче
за горниот слој:
250 гр маскарпоне сирење
200 мл слатка павлака
3-4 лажици шеќер во прав
3-4 лажици виски (или рум, по избор)
Подготовка:
– Подгответе го филот од тиква. Сварете ја и испасирајте ја заедно со шеќерот, зачините и павлаката. На крај додадете го маскарпоне сирењето и изматете со миксер со најмала брзина.
– Подгответе го еспресо кафето и во врелото кафе ставете ги шеќерот и вискито (или румот). Измешајте за да се стопи шеќерот. Сипете го во длабока чинија.
– Земете еден правоаголен или квадратен подлабок сад, може стаклен сад каде ќе го редите тирамисуто.
– Пишкотите натопете ги во кафето од сите страни и наредете ги на дното на стаклениот сад. Оставете малку растојание помеѓу пишкотите.
– Распоредете половина од кремот од тиква врз пишкотите.
– Одозгора наредете повторно еден ред пишкоти на истион начин како првиот и потоа распоредете го преостанатиот крем.
– Садот покријте го пластична фолија и ставете го во фрижидер.
– За горниот слој, изматете ја павлаката заедно со шеќерот и алкохолот во густ крем. Полека додавајте го маскарпоне сирењето и со шпатула мешајте да добиете не многу густа смеса.
– Горната смеса рамномерно нанесете ја над филот од тиква и повторно покријте го садот со пластична фолијаи ставете го во фрижидер најубаво да стои преку ноќ.
– Пред да го послужите тирамисуто одозгора посипете го со какао во прав.