Обавезно пробајте риба подготвена на овој начин, вкусот е феноменален …
Потребно е:
4 х 200 гр свеж бакалар
65 гр омекнат путер
1 1/2 лажица ситно сецкан свеж магдонос
2 поголеми чешниња лук, ситно сецкани
1 мала главица кромид, ситно сецкан
1/2 лажиче сенф
1 1/2 лажица ситно сецкана пршута
1 лажица брашно
2 лажици сок од лимон
сол и свежо мелен бибер, по вкус
2 лажици масло
Подготовка:
– Во помал сад ставете го омекнатиот путер, додадете го ситно сецканиот магдонос, солта, ситно сецканиот кромид, ситно сецканиот лук, сенфот, пршутата, бибер, сок од лимон и лажица брашно. Убаво измешајте за да се соединат сите состојки.
– Рибите измијте ги, исушете ги и посипете ги со сол и бибер. Во поголема тава сипете масло и загрејте го, па потоа ставете ги рибите да се пржат по 4 минути од едната страна, а потоа уште една минута од другата страна. Рибите ставете ги во огноотпорен сад и над секоја риба ставете по една лажица од сосот од лук.
– Вклучете ја рерната на 225 целзиусови степени, садот со рибите ставете го во рерна и печете ги 2-3 минути.
– Садот со рибите извадете го од рерна и остатокот од сосот од лук ставете го на дното на садот и оставете да се растопи.
– Сега во секоја чинија ставете по едно парче риба, одозгора полијте со сосот од лук и додадете прилог по желба (ориз, сварен зеленчук, компир) и послужете го топло.