Актерот, режисерот и продуцент Силвестер Сталоне најави дека е можно снимање на уште еден филм од серијалот „Рамбо“.
Сталоне досега во улогата на ветеран од Виетнамската војна се појавуваше четири пати. Последниот филм од серијалот е прикажан во 2008 година.
– Рамбо е една од причините поради кои не заминувам во пензија, Јас тука гледам само човек, кој не може да замине дома. Нему му треба војна и јас таму го гледам како умира, изјави Сталоне во Рим.
Тој додаде дека и можноста за снимање на „Рамбо 5“ зависи од физичките барања за таа улога.
– Доколку моето тело не откаже, тоа може да се оствари. Во спроитивно Рамбо не би се борел против непријателот, туку проти артритисот, додаде тој.