Најновото истражување објавено во списанието „Перспективи на психолошката наука“ (Perspectives on Psychological Science) покажува дека детската интелигенција може да се зголеми со исхраната, со однесувањето на родителите, како и со влијанието на градинката.
Во истражувањето биле опфатени деца до предучилишна возраст.
Коефициентот на интелигенција кај децата може да се зголеми ако за време на бременоста се земаат омега три масни киселини, а исто така му се даваат и на бебињата, како додаток на исхраната. Конзумирањето на производи богати со омега три масни киселини може да доведе до зголемување на коефициентот на интелигенција за 3,5 бодови.
Запишувањето на детето на курсеви во образовната институција доведува до зголемување на коефициентот на интелигенција за седум бодови.
За шест бодови може да се зголеми интелигенцијата кај децата со интерактивно читање, кога родителот го наведува детето да учествува во тој процес. Но, интерактивното читање не влијае врз зголемување на коефициентот на интелигенција кај децата постари од четири години.
Запишувањето на децата во градинка го зголемува коефициентот на интелигенција за четири бодови, а доколку детето таму учи странски јазик интелигенцијата се зголемува за седум бодови.
Истражувањето покажува како комплексноста на околината влијаа на когнитивните способности на децата зголемувајќи го коефициентот на интелигенција.
МИА