Декоративна закуска …
Потребно е:
500 гр пилешко бело месо
300 гр шунка
300 гр кашкавал
200 гр маринирани шампињони
5 јајца
200 мл кисела павлака
1 лажица масло
2 лажици брашно
10 гр прашок за пециво
мелен сув зачин
Подготовка:
– Месото посебно сварете го во солена вода, исцедете го од течноста, оставете го да се излади и ситно исецкајте го.
– Шунката исечете ја на стапчиња, кашкавалот изрендајте го на крупно ренде, шампињоните исецкајте ги на листови.
– Тавата за печење со димензии 30х20 см намастете ја и посипете ја со брашно.
– Исецканото пилешко месо рамномерно распоредете го на дното на тавата. Посипете со шампињони и одозгора распоредете ја шунката. На крај ставете го изренданиот кашкавал.
– Изматете ги јајцата со павлаката, додадете 1 лажица брашно, прашок за пециво и мелен сув зачин, по вкус. Изматената смеса прелијте ја преку содржината во тавата. Тавата покријте ја со алуминиумска фолија.
– Ставете да се пече во загреана рерна на 200 целзиусови степени околу 30 минути. Тргне те ја фолијата и оставете да се допече уште 15-тина минути.
– Печената солена бајдадера оставете ја убаво да се излади, најубаво во фрижидер, а потоа исечете ја на коцки и послужете ја.