Фини коцки, со вишни и чоколадо …
Потребно е:
за кората:
4 јајца
100 гр шеќер
1 лажиче ванилин шеќер
4 лажици брашно
1 лажиче прашок за пециво
100 гр путер
100 гр чоколадо
1 тегла (750 гр) компот од вишни
за кремот:
250 мл слатка павлака
100 гр чоколадо за готвење
слатка павлака-за украсување, по желба
Подготовка:
– Прво подгответе го чоколадниот крем. Во еден сад на рингла на средна температура ставете ја слатката павлака и чоколадото искршено на коцки. Со постојано мешање варете додека не се растопи чоколадото. Оставете да се излади.
– На пареа растопете го чоколадото со путерот и оставете да се излади.
– Вишните исчистете ги од семките, а сокот од компотот сочувајте го за преливање на печената кора.
– Преминете на подготовка на тестото за кората.
– Одвоите ги белките од жолчките. Белките со прстофат сол изматете ги во густ шлаг.
– Жолчките изматете ги со шеќерот и ванилиниот шеќер, додадете ги брашното, прашокот за пециво и растопената смеса со чоколадо и путер. Убаво изматете па во смесата на крај додадете го и изматениот шлаг од белки и измешајте со дрвена лажица за да се соединат сите состојки.
– Тавата за печење (20х30 см) премачкајте ја со масло и посипете ја со малку брашно.
– Смесата сипете ја во намастената тава, одозгора распоредете ги вишните и ставете да се пече во загреана рерна на 180 целзиусови степени. Со дрвена чепкалка за заби проверете дали е печена кората.
– Печената кора избоцкајте ја со вилушка прелијте ја сокот од компотот. Кога ќе се излади кората одозгора ставете го чоколадниот крем и оставете го колачот убаво да се излади, најдобро преку ноќ да го оставите во фрижидер.