Ова е вистинко задоволство за сите љубители на слатки пецива …
Потребно е:
500 гр брашно
20 гр свеж квасец
200 мл млако млеко
50 мл масло
2 лажици шеќер
1 лажиче сол
50 мл млака вода
1 јајце, за премачкување
мармалад по желба
Подготовка:
– Во млака вода ставете 1 лажица шеќер, додадете го издробениот квасец и оставете го на топло место за да стаса.
– Во еден подлабок сад ставете ги брашното, солта, остатокот од шеќерот, маслото и млекото. Додадете го квасецот и замесете глатко тесто. Оставете го тестото на топло место за да нарасне.
– Премесете го тестото и поделете го на три дела. Оставете ги уште уште 5 минути да одморат.
– Потоа секој дел со сукало тенко развлечете го. Секоја кора можее да ја премачкате со различен џем (на пр. од кајсии, од сливи, од шипки …).
– Секој дел завиткајте го во ролат, а потоа сите три дела исплетете ги во плетенка.
– Плетенката ставете ја во тава обложена со хартија за печење и премачкајте ја со изматено јајце. Оставете ја во тавата околу 10 минути.
– Ставете да се пече во загреана рерна на 180 целзиусови степени околу 30 минути. Проверете со чепкалка за заби дали е печена средината на плетенката. Ако не е, тогаш покријте ја плетенката со фолија и ставете да се допече уште 10-тина минути.