Нема веќе фрлање на потемнети банани. Од нив направете го овој вкусен сладок леб …
Потребно е:
1/2 чаша (од 200 мл) омекнат путер
1 лажиче екстракт од ванила
3 чаши брашно
6 белки
1,5 лажиче прашок за пециво
2 чаши испасирани банани
1/2 чаша млеко
3/4 чаша семки од сончоглед
1/2 лажиче изрендана кора од лимон
1 чаша кафеав шеќер
Подготовка:
– Рерната загрејте ја на 200 целзиусови степени.
– Во подлабок сад ставете ги кафеавиот шеќер, екстрактот од ванила и путерот и матете ги додека да добиете хомогена смеса. Додадете ги белките и внимателно измешајте.
– Во друг сад измешајте ги прашокот за пециво, брашното и солта и полека додадете ги во смесата со кафеав шеќер.
– Сипете го млекото и полека измешајте. Почнете да го месите тестото додека да стане мазно и компактно.
– Во еден плиток сад измешајте ги испасираните банани, изренданата кора од лимон и семките од сончоглед.
– Тестото сега увалкајте го во горната смеса и ставете го во намастен калап за печење.
– Ставете да се пече во загреана рерна 50-60 минути, додека да добие убавла златно-кафена боја.
– Печениот леб извадете го од рерна и оставете го да се излади 15-тина минути. Исечете го на парчиња и послужете.