Оваа киселкаста салата со ротквици и јаболка е полна со витамини и ви дава енергија. Подгответе ја малку порано пред да ја послужите.
Потребно е:
250 гр исчистени ротквици
150 гр кисели јаболка
1 лажица сок од лимон
150 гр краставици, изрендани
за преливот:
200 мл кисела павлака
1 лажиче сецкан свеж копар
малку сол
бел бибер
Подготовка:
– Ротквиците исецкајте ги на тенки тркалца.
– Јаболките излупете ги, изрендајте ги на крупната страна од рендето и прелијте со сокот од лимон.
– Краставиците излупете ги, изрендајте ги на крупно и малку исцедете ги.
– Сите состојки ставете ги во еден подлабок сад, измешајте ги убаво и прелијте ги со киселата павлака во која претходно сте ги измешале копарот, биберот и солта.
– Салатата послужете ја добро изладена.