Интересен начин на подготовка на кадаиф …
Потребно е:
500 гр кадаиф
путер
200 гр крупно мелени ореви
2 белки
4-5 лажици шеќер
1 лажица какао во прав
за шербетот:
1 л вода
1 кг шеќер
Подготовка:
– Пред да го направите кадаифот направете го шербетот и оставете да се излади.
– Преминете на подготовка на филот. Измешајте ги оревите со шеќерот, какаото во прав и двете белки. Убаво измешајте со лажица.
– Кадаифот внимателно раширете го, а потоа полека со кинење поделете го на ленти со широчина околу 5 см.
– На секоја лента оставете 2-3 см од почетокот и сега ставете од филот. Внимателно замотајте ја лентата. Истото направете го со сите ленти кадаиф.
– Ролованите ленти кадаиф наредете ги во тава претходно намастена со путер.
– Секое парче кадаиф полијте го со малку растопен путер.
– Ставете да се печат во загреана рерна на 150 целзиусови степени околу 1 час.
– Извадете ја тавата од рерна, оставете неколку минути да се излади, а потоа секое парче кадаиф внимателно полијте го со шербетот.
– Оставете неколку часа убаво да се впие шербете и потоа послужете.