Археолози неодамна на локација на вилата во Тиволи, во близина на Рим, која што ја изгради царот Хадријан во вториот век, открија мрежа на тунел, за која сметаат дека е подземен град.
Како што пренесува „Радио Слободна Европа“ археолозите ги цртаат подземните патишта и веруваат дека истите служеле за превоз на стока, а се претпоставува дека тука транспортирале и робови, храна и друго, далеку од очите на царот. Покрај патишта, тие откриле и низа различни предмети.
Вилата на Хадријан во 1999 година УНЕСКО ја прогласи за локација на светско културно место, која содржи 30 згради, од кои секоја има градина, базен и фонтани.
Во моментот се расчистуваат тунелите, а е планирано до крајот на годината да се одвори премин за да може да се влезе, пренесе „Радио Слободна Европа“.
Елена Георгиевска