Доколку реката Соча во Словенија не е најубавата река на светот, тогаш барем може да се вброи во првите пет.
Наречена „смарагдна убавица“, таа е меѓу ретките кои ја задржуваат зелената, па дури и сина боја долж целиот свој тек, долг 138 километри, заради што редовно е фотографирана од светски познатите фотографи.
Старото име за горниот тек на Соча било Шнита. Денешното корито на реката е резултат на големите геолошки промени што се случиле во последните 2.000 години.
Според грчкиот историчар Страбон, во негово време тука течела реката Есонтиус, која минувала покрај Аквилеја (значи многу позападно) до вливот во Јадранско Море.
Од 585 година текот на Соча се поместува кон исток.