Вкусни прженици од компири, како додаток на главно јадење или пак како главно јадење со салата. Најтешкиот дел од нив е рендањето.
Потребно е:
2 кг компири, излупени и изрендани
1 голема главица кромид, изрендана
2 јајца, изматени
1 лажица нишесте (густин)
100 гр лебни трошки
сол и бибер
масло за пржење
Подготовка:
– Компирите изрендајте ги, ставете ги во чинија и потопете ги во ладна вода.
– Кромидот изрендајте го и исцедете го преку цедалка или газа.
– Истото направете го и со компирите. Убаво исцедете за да нема ни малку течност.
– Во длабок сад ставете ги компирите, кромидот и додадете ги јајцата, лебните трошки, зачинете со сол и бибер и ставете го нишестето. Треба да добиете еднолична смеса.
– Од неа, земете мали топчиња, стиснете ги меѓу дланките и формирајте мали сплескани ќофтиња за да исцедите вишок течност.
– Ставете ги да се пржат во претходно добро загреано масло. Пржете додека да поруменат од сите страни.
– Пржените ќофтиња редете ги на чинија обложена со салфетки за да ја впијат вишокот маснотија.
– Сервирајте.