Пронајден голем викиншки брод во кој можеби бил закопан крал

Од:

Норвешките археолози пронајдоа закопан долг, редок брод овој месец во Ѓелестад, средновековно археолошко наоѓалиште југоисточно од Осло. Ова е прво вакво ископување во Норвешка последниве 100 години, пишуваат тамошните медиуми.

Поголемиот дел од бродот е изгниен низ вековите, но археологот д-р Кнут Пасха од Норвешкиот институт за истражување на културното наследство, верува дека распоредот на железни клинци сепак ќе овозможи изработка на реплика. Бродот бил долг околу 19 метри и широк пет метри, што го сместува на исто ниво со добро сочуваните викиншки бродови „Осеберг“ и „Гокштад“ кои се изложени во норвешкиот главен град Осло. Овие бродови биле пронајдени на западната страна на широкиот фјорд Осло.

Викинзите тогаш обично пловеле кон британските острови, па го напаѓале и колонизирале крајбрежјето, за што сведочат археолошките остатоци, како и нордиските зборови и имиња на Островот денес. Нордиските Викинзи исто така стигнале и на Исланд, Гренланд, па и Њу Фаундленд и во Северна Америка.

– Воениот брод пронајден во Ѓелестад потекнува од времето меѓу 750 и 850 година, изјави д-р Пасха за Би-би-си.

Тој вели дека првичните сознанија говорат дека е многу поразличен од другите бродови, а „тоа е навистина возбудливо“, како што нагласи археологот. Се претпоставува оти во него, можеби бил закопан крал.

Би можело да ве интересира

Систематски археолошки истражувања, тековно одржување и конзервација на движни наоди од локалитетот Скупи

Ана Ололовска

Се реконструира Римски пат до локалитетот Хераклеја Линкестис

Ана Ололовска

Штипскиот Завод и Музеј годинава главните истражувања ќе ги има на „Баргала“

Ана Ололовска

Фосилни остатоци од дрво старо 20 милиони години на Лезбос

Ана Ололовска

Популаризација на архео паркот Бразда

Ана Ололовска

Нов монолит се појави во Калифорнија

Ана Ололовска