Некогашната училишна пријателка на британската принцеза, Џесика Хај за австралиски весник изјави дека Кејт Мидлтон е бремена. Таа тврди дека сите кои се околу принцезата знаат за бременоста и е уверена дека набргу тоа јавно ќе биде објавено.
Бекингемската палата не ги потврдува, но и не ги демантира наводите, туку едноставно одлучи да не коментира.
Британски „Мирор“ сепак се сомнева во тврдењето на Џесика, бидејќи таа според нивни сознанија не е во најдобри односи со принцезата и наводно неколку години не зборувала со неа.
Но од друга страна стои фактот што Џесика неколку недели пред да биде објавено дека Кејт го очекува малиот принц Џорџ, им ја соопшти веста на медиумите.
Кејт и принцот Вилијам во јавност последен пат се видени на почеток на овогодинешниот Тур де Франс, кој оваа година започна со етапи во Велика Британија.
Е. Г.