Мајкл Мадсен, познат по своите улоги во култните филмови „Reservoir Dogs“ и „Kill Bill“, почина на 67-годишна возраст.
Веста за неговата смрт ја потврдија претставниците на познатиот актер за People. Според NBC4 Los Angeles, Мадсен починал од природна смрт.
„Од она што го знаеме, Мајкл доживеал срцев удар и бил пронајден во несвест рано утрово во својот дом во Малибу“, изјави неговиот менаџер Рон Смит за People.
Менаџерите Рона Смит и Сузан Ферис, заедно со публицистката Лиз Родригез, објавија заедничка изјава по смртта на актерот:
„Во текот на изминатите две години, Мајкл Мадсен работеше на исклучителни проекти во независниот филм, вклучувајќи ги претстојните филмови „Resurrection Road“, „Concessions“ и „Cookbook for Southern Housewives“, и навистина се радуваше на оваа нова фаза од својот живот.“
Тие додадоа дека Мадсен е во завршна фаза од работата на неговата нова книга „Tears For My Father: Outlaw Thoughts and Poems“, која моментално е во фаза на уредување.
„Мајкл Мадсен беше еден од најпрепознатливите актери во Холивуд и ќе им недостига на многумина“, се заклучува во соопштението.