Киднапирањето и убиството на познатата британска ТВ водителка Холи Вилоби, полицијата верува дека било планирано за следната недела.
Службениците наводно пронашле хлороформ, врвки за чевли, превези за очи и јажиња за кои веруваат дека би можеле да бидат дел од комплетот за „киднапирање и врзување“, пренесува The Sun.
Гевин Пламб, 36-годишниот чувар обвинет за заговор за киднапирање и убиство на ѕвездата на „This Morning“ на ITV веќе се појави на суд по неговото апсење во средата, при што полицијата се сомнева дека тој се обидел да регрутира платен убиец во САД за го спроведе својот луд план.
Пламб, татко на две деца, беше обвинет за поттикнување убиство и поттикнување киднапирање. Тој сега зборуваше на суд само за да го потврди своето име, датум на раѓање, адреса и каде работел. Според The Sun, инспекторите наводно пронашле различни сомнителни предмети во куќата на Плумб во Харлоу, каде што бил уапсен во средата вечерта по дојава.
„Во овој случај тој направил детални планови со друго лице за киднапирање и убиство. Организирал летови и трансфери за извршување на овие кривични дела“, изјави обвинителката Шефа Бегам пред судот. Полицијата се сомнева дека наводниот заговор вклучувал договор за човек кој живее во САД, веројатно убиецот, кој требало да отпатува во Британија следната недела. Окружниот судија Каролин Џексон ја одби кауцијата на Пламб и ќе се појави пред судот во Челмсфорд на 3 ноември. Работел во трговскиот центар Pinnacles во Харлоу, откако претходно морал да се откаже во Pizza Hut и McDonald’s поради неговата тежина. Пред пет години тој се појави во прилог на BBC News за слабеење, каде призна дека пиел 17 литри Кока Кола неделно.
This is the guy that’s been arrested for trying to kidnap and kill Holly Willoughby 😑. Gavin Plumb.
How he thought he’d be able to catch her is beyond me. Holly would of out run him in her highest stilettos 😭🤣 pic.twitter.com/ij1bvHxJcm— Shakina 🎀 (@Queenie_2312) October 6, 2023
„Последен пат излегов без помош во 2014 година. Мојата тежина постојано се менуваше. Во еден момент имав повеќе од 220 килограми, тоа ми беше најтешко. Кога килограмите почнаа да се натрупуваат, тогаш моето ментално здравје навистина почна да страда . се сруши. Тоа е маѓепсан круг. Кога сум депресивен, јадам – а кога јадам, депресивен сум“, изјави тој за попладневното издание во живо на BBC Radio 5 во тоа време.
Водителката Холи (42) е под деноноќен надзор откако се појавија детали за наводниот заговор, со полицајци стационирани надвор од лондонскиот дом што ѕвездата го дели со сопругот Ден Болдвин и нивните три деца. ИТВ, исто така, се вклучи за да обезбеди безбедност и поддршка, и штом дознаа, веднаш го повлекоа Вилоби од шоуто непосредно пред да се емитува. Холи допрва треба да даде изјава во полиција.