Мари-Луиз Карвен, „најмалата меѓу најголемите модни креатори“, како што ја нарекоа по Втората светска војна, почина на 105-годишна возраст во Париз.
Како што јави дописникот на МИА од Париз, работеше и на свој начин беше ривал со Кристијан Диор, Пјер Балман и подоцна со Ибер де Живанши и Ив Сен Лорен.
– Бев мала жена меѓу големи луѓе, тие ме посвоија бидејќи создадов лесен стил, предвесник на прет-а-порте. Не им пречев воопшто бидејќи работев за младите жени од моето време, објаснуваше со скромност Мадам Карвен во 2010 година.
Мадам Карвен, чие вистинското име Кармен де Томасо, е родена на 31 август 1909 година во Шателеро. По Втората светска војна таа се наметна во дизајнерскиот свет со привлечната и лесна мода, промовирана со здолништетот „без приказна“ или костумот „без грижа“.
Поради рестрикциите за текстилот и посотењето на купони за купување во времето на почетокот од нјзината кариера, таа користи штофови по потекло од Алзас со зелени и бели риги или розева боја, што го прават нејзиниот стил лесно препознатлив. Таа појава на свежина и безгрижност ќе придонесат за имиџот на„Мадмазел де Пари“.
Мадам Карвен, која секогаш работеше за „разубавување на жените, се пензионира во 1993 година на возраст од 84 години.