Интересна идеја за еден вкусен колоритен ручек …
Потребно е:
1 пиле од околу 1,5 кг
1 поголема главица кромид
3 моркови
3 гранчиња магдонос (корен и листови)
1 свежа црвена пиперка
1 конзерва домати пелати
200 мл бело вино
мелена црвена пиперка
маслиново масло
сол и бибер
неколку гранчиња темјан
Подготовка:
– Пилето исечете го на парчиња и посолете ги.
– Морковите исчистете ги и изрендајте ги.
– Магдоносот исчистете го и ситно исецкајте го и коренот и листовите.
– Кромидот ситно исецкајте го.
– Во еден подлабок сад на маслиново масло испржете ги од двете страни копаните, надкопаните, крилцата и белото месо.
– Месото извадете го на чинија, а на истата маснотија испржете го кромидот. Потоа додадете го останатиот зеленчук, малку вода и динстајте го 10-тина минути.
– Додадете ги исецканите домати пелати, темјан, мелена црвена пиперка, сол и бибер и оставете да се динста уште неколку минути.
– Вратете го месото во садот и досипете уште малу вода и бело вино, протресете го садот и оставете да се вари од 30-45 минути додека месото убаво не омекне, односно додека не почне да се одвојува од коските, а сосот убаво да се згусне.
– Во друг сад на рингла на маслиново масло продинстајте го празот и на крај посолете го.
– Сварете ја палентата во посолена вода со малку путер во неа. Измешајте ги празот и сварената палента и смесата сипете ја во тесна тава.
– Пилешкото со црвен сос сервирајте го со парчиња палента со праз.