Подгответе го овој необичен пудинг со чоколадо и лешници кој прво се вари, а потоа се пече. Оваа топло-ладна комбинација ќе ви даде несекојдневно слатко задоволство.
Потребно е:
за пудингот-првата смеса:
путер за премачкување на калапот
125 гр млеко
50 гр путер
40 гр чоколадо за готвење
1 лажица какао во прав
50 гр пченично остро брашно тип 400
25 гр пченично меко брашно тип 550
1/2 лажиче прашок за пециво
50 гр лешници
75 гр шеќер во прав
75 гр кафеав шеќер
1 јајце
за пудингот-втората смеса:
125 мл слатка павлака
1 ванилин шеќер
50 гр чоколадо за готвење
50 гр чоколаден крем (Нутела, Еурокрем…)
2 лажици ликер од лешник
за послужување:
200 гр сладолед од ванила
Подготовка:
за пудингот-првата смеса:
– Рерната загрејте ја на 180 целзиусови степени. Земете 4 мали огноотпорни калапи (од 250 мл) и убаво премачкајте ги со путер.
– Во еден сад измешајте ги млекото, путерот, чоколадото и половина од какаото. Садот ставете го на рингла и загревајте го на тивко со постојано мешање додека не добиете хомогена смеса.
– Во друг сад измешајте ги брашната, прашокот за пециво, ситно исецканите лешници, шеќер во прав и половина од кафеавиот шеќер.
– Додадете го јајцето, смесата со чоколадо и измешајте убаво додека не добиете хомогена смеса.
– Оваа смеса распоредете ја подеднакво во калапите.
за пудингот-втората смеса:
– Во еден сад заедно измешајте ги водата, путерот, остатокот од кафеавиот шеќер и какаото. Ставете го садот на рингла и загревате го на тивко додека не добиете хомогена смеса.
– Оваа смеса со лажица внимателно распоредете ја во калапите, но внимавајте да не ви се измешаат двете смеси.
– Калапите ставете ги да се печат во зареаната рерна околу 25 минути.
за сосот:
– Додека се пече пудингот измешајте ги слатката павлака и ванилиниот шеќер и ставете да се вари.
– Тргнете го садот од рингла и додадете го чоколадото. Измешајте убаво.
– Потоа во горната смеса додадете го чоколадниот крем, ликерот од лешници и мешајте додека не добиете хомогена смеса.
– Печениот пудинг извадете го од рерна и оставете го 5-10 минути да се излади. Потоа одозгора ставете од сладоледот од ванила, прелијте со сосот и веднаш послужете.
Совет: Послужете го топол, затоа што пудингот брзо го впива сосот.