Мексиканскиот Национален институт за антропологија и историја соопшти дека во палеонтолошките ископини во регионот Генерал Капеда, во покраината Коахуила e пронајден фосил на опаш од диносаурус кој живеел пред 72 милиони години, јави Анадолија.
Се уште не е утврдено за кој вид диносаурус се работи, а палеонотологот Фелиса Агилар изјави дека ископувањето траело 20 дена и оти станува збор за диносаурус долг околу 12 метри.
Во соопштението се наведува дека е ископан опаш долг пет метри, составен од 50 пршлени и дека се работи за прв таков опаш, кој е откриен во неоштетена форма.
На локацијата, се додава во соопштението, се пронајдени и неколку коски на диносаурус од пределот на колковите.