Фин чоколаден овошен колач …
Потребно е:
за бисквитното тесто:
10 белки
250 гр брашно
250 гр шеќер
3 лажици сок од лимон
50 гр чоколадо во прав
1 лажица какао во прав
1/2 кесичка прашок за пециво
за филот:
10 жолчки
10 лажици шеќер
250 гр путер
1 кесичка шлаг пена
200 гр шумско овошје
за глазурата:
200 гр бело чоколадо
и уште:
неколку лажици варено кафе
Потребно е:
– Белките изматете ги во густ шлаг. Со постојано матење додадете ги лажица по лажица брашното, шеќерот, сокот од лимон, какаото и чоколадото во прав.
– Додадете го и прашокот за пециво и измешајте со дрвена лажица.
– Смесата сипете ја во тава (20х30 см) обложена со хартија за печење и израмнете ја.
– Ставете да се пече во загреана рерна на 200 целзиусови степени околу 15 минути.
– Печеното тесто оставете малку да се излади, тргнете ја хартијата за печење и оставете потполно да се излади. Сега исечете го по должина да добиете две кори.
– Во сад на пареа изматете ги жолчките и шеќерот додека да се згуснат. Оставете да се изладат.
– Изматете го путерот и додадете го во изладениот фил. Во оваа смеса на крај умешајте ја изматената шлаг пена.
– Корите испрскајте ги со свареното кафе (може и со сок од лимон или пак само млеко).
– Над едната кора рамномерно нанесете го филот.
– Одозгора распоредете го шумското овошје.
– Одозгора ставете ја втората кора.
– На пареа растопете го белото чоколадо и со ова премачкајте ја втората кора.
– Колачот оставете го убаво да се излади, најубаво преку ноќ.