Шарлота е колач обложен со пишкоти и меко, кремасто полнење …
Потребно е:
150 гр пишкоти
1 кесичка пудинг од ванила
500 мл млеко
50 гр шеќер
1 кесичка желатин
50 мл вода
200 мл слатка павлака
за послужување:
1 банана
1 киви
100 гр јагоди
Подготовка:
– Еден долгнавест калап од внатре обложете го со пластична фолија.
– Пишкотите исечете ги на пола и наредете ги странично во калапот така што закривената страна на пишкотите да биде свртена надоле во калапот.
– Пудингот сварете го според упатството на кесичката и оставете го да се излади.
– Желатинот растворете го во ладна вода и оставете го да отстои 10-тина минути.
– Слатката павкака изматете ја во густ шла, додадете ја во пудингот и измешајте.
– Желатинот растопете го на рингла и додадете го во пудингот, измешајте и веднаш сипете во калапот. Израмнете ја површината и ставете го калапот во фрижидер убаво да се излади барем 2 часа.
– Потоа извадете го од фрижидер и превртете го на правоаголна чинија за сервирање. Тргнете го калапот и фолијата.
– Овошјето исечете го на тенки парчиња, наредете го над колачот и послужете.