На враќањето од венчавката на семејниот пријател Геј Пели, на кое со него беше и неговиот брат Хари, принцот Вилијам ја покажа својата скромна страна.
На летот од Мемфис до Далас се возел со економската класа, а доказ е фотографијата која на Твитер ја објави американскиот новинар, Ели Рос, кој бил на истиот лет.
– Воодушевен сум. Принцот Вилијам лета со економска класа. Тоа е авистина скромно/супер. Кој би рекол, напиша новинарот покрај фотографијата, која ја објави на социјалните мрежи.
Во текот на летот, принцот порачал вода, а седел покрај прозорецот. Трошоците ги подмирил самиот, а цената на сличните летови чинат околу 250 фунти. Се враќа во Велика Британија. На патувањето на го пратеше сопругата Кејт Мидлтон, пишува „Дејли Мејл“.
Кралицата во текот на рецесијата ги повика нејзините членови од семејството на штедење, па тоа е причина за одлуката на принцот.