Во Кина отворена е клиника за лекување „фудбалска треска“. Кинеските лекари имаат работа со сосема нова болест во нивната земја – синдром Светски куп.
Тоа е комбинација на замор, несоница и вознемиреност што ги чувствуваат навивачи гледајќи ги натпреварите на првенството, воглавно предизвикано од временска разлика меѓу Кина и Бразил.
Во градот Ченгду на југозападниот дел на Кина постои и прва клиника за лекување на тој синдорм. Според зборовите на лекарот од таа болница над илјада луѓе имаат пореметување на сонот, затоа што во „глуво време“ стануваат од кревет за да ги гледаат фудбалските натпревари.
Освен тоа, чуствуваат стомачни грчеви, губење апетит, анксиозност и параноја. Лекарите во текот на Мундијалот морат да дежураат 24 часа и ги лечкуваат дури и психолошките проблеми во врска со хистеријата која предизвикуваат некои мечеви.