Група археолози, кои работат под покровителство на Археолошкиот факултет при Универзитетот во швајцарскиот град Женева, во Арголидскиот Залив на грчкиот полуостров Пелопонез открија потопено село од праисторискиот период.
Археолозите, кои уште од лани вршат истражувања на локалитети во реонот на градот Арголида, соопштија дека откриле докази за постоење на човечки населби во ова подрачје уште во праисторијата.
Потонатото село кое зафаќа површина од 12 декари, се наоѓа на длабочина од еден до три метри под површината на Егејското Море.
Археолозите на овој локалите пронашле остатоци од куќи, дел од заштитен ѕид, како и музички инструменти и други предмети.
Се проценува дека селото датира од третиот милениум пред новата ера.