Пред околу 40 години, Индиецот Џадав Пајенг, кој живее на најголемиот остров на реката Брамапутра, Маџули, одлучил да сади по едно дрвo дневно.
Резултатот е неверојатен. Шумата сега покрива површина од речиси 550 хектари. За споредба, њујоршкиот Централ Парк зафаќа само половина од таа површина.
Неконтролираната сеча на дрвја минатиот век придонесе Маџули – од богата шума да се претвори во пустина, без речиси никаков животински и растителен свет. Островот е под постојана закана од ерозија на тлото, а работите се искомплицирале по големата поплава која 1965 година, која го опустоши островот каде живеело семејството на Пајенг. За среќа, овој локален жител не се помирил со тоа.
Имено, по повеќедецениски напори на упорниот Индиец, речниот остров повторно наликува на оаза полна живот. Со враќање на вегетацијата, на Маџули се врати и фауната. Сега таму живеат стотици слонови, како и голем број тигри, носорози и елени.
Речниот остров Маџули повторно наликува на тропски рај, а Пајенг е најодговорен за овој „препород“.
За него во 2013 година е снимен и кус документарен филм.