Нетфликс го објави трејлерот за „Гризелда“, мини серија во која Софија Вергара ја игра озлогласената колумбиска наркошефица Гризелда Бланко, која беше надалеку позната како „Кумата“.
Серијата, од писателот/продуцентот Ерик Њуман и режисерот Андрес Баиз, ја следи Бланко додека таа го гради еден од најпрофитабилните нарко-картели во историјата додека ги одгледува своите три сина.
Таа водеше озлогласена немилосрдна и насилна трговија со кокаин во Њујорк и Мајами во 70-тите и 80-тите години по емигрирањето од Колумбија, пред да биде уапсена во 1985 година. Бланко беше првата жена криминалец што стана милијардер пред да биде убиена во Колумбија на 69-годишна возраст, во 2012 г.
Нејзината приказна е раскажана во бројни филмови и ТВ емисии, вклучувајќи го биографскиот филм „Кокаин кума“ од 2018 година со Кетрин Зета-Џонс во главната улога и документарниот филм „Кокаин каубојци“ од 2006 година.
Покрај Вергара, која е и извршен продуцент на серијата, во актерската екипа се и Алберто Гера, Ванеса Ферлито, Алберто Аман, Кристијан Тапан, Диего Трухило, Паулина Давила, Габриел Слојер, Јулијана Аиден Мартинез, Мартин Родригез и Хозе Зунига.
„Гризелда“ е создадена од Ерик Њуман, Ингрид Ескаједа, Карло Бернард и Даг Миро. Вергара и извршниот продуцент Луис Балагуер го развиваат проектот со Latin World Entertainment веќе осум години.
Серијата од шест епизоди ќе има премиера на Нетфликс на 25 јануари 2024 година.