Откако „Епл“ реши да им парира на конкурентите и да продава телефони од четири инчи, слушнавме многу шпекулации за карактеристиките на новиот „Ајфон“.
Според последните, новиот „Ајфон“ ќе се темели на моделот 5С, а не на 5Ц како што се претпоставуваше.
Дизајнот на новиот уред ќе биде исклучително налик на „Ајфон 5С“, но ќе има некои промени во внатрешноста.
Наводно можеме да очекуваме да видиме А8 чип сет, како и подобрена Face Time HD камера со f/2.2 апертура, а покрај тоа телефонот ќе има поддршка за 802.11ac Wi-Fi и Bluetooth 4.1 поврзување.
Тоа се хардверските детали кои моментално се познати, а се знае и дека нема да има 3Д Touch, кое ќе биде ексклузива на поголемите „Ајфони“.