Потребно е:
500 гр свежи њоки
3 лажици маслиново масло
1 главица кромид
1-2 чешниња лук
2 зрели домати
200 мл пасирани домати
листови свеж босилек
50 гр моцарела сирење
сол и бибер
Подготовка:
– Њоките сварете ги според упатството на пакувањето.
– На маслиново масло испржете го ситно сецканиот кромид, потоа додадете го ситно сецканиот луки кратко пржете само да замириса.
– Додадете ги сецканите на коцки домати и динстајте околу 5 минути додека да омекнат малку. Потоа додадете ги пасираните домати и динстајте уште 10 минути.
– На крај додадете ги сварените њоки, сецканите листови босилек, сецканото моцарела сирење и зачинете по вкус со сол и бибер.
– Готовото јадење префрлете го во помал огноотпорен сад и ставете го во загреана рерана на 200 целзиусови степени да се запече 10-15 минути, односно додека не се растопи сирењето.
– Послужете го топло, посипано со свеж босилек и рендан пармезан.