Со љубов, волја и поддршка од семејството може да се победи се.
Доказ за ова се фотографиите од среќениот пар во сликите. Тејлор Морис, 23-годишен експерт за деминирање од САД остана без екстремитетите по една експлозија во Авганистан. Од пред само неколку месеци Тејлор Морис легна во болничкиот кревет и се бореше за својот живот. Рацете и нозете мораше да му бидат ампутирани.
Благодарение на неговата неверојатна храброст и навремената медицинска интервенција, Морис стана петтиот човек во болница кој преживеа ампутирање на четирите екстремитети.
Семејството, пријателите и неговата девојка Даниел Кели во тие моменти беа неговиот најголем поддржувач. Освен тоа во моментите на страв, за целото време со него била Даниел и му помагала во неговата рехабилитација.
Таа понекогаш го носи на грб, му помага да вежба, го носи на прошетка и за се што му е потребно, таа е тука.
„Беше исклучително тешко, но таа не ме остави ни за момент“, рече Морис и додаде дека не се чувствува како хендикепирано лице. Тој верува дека е жив само благодарение на добрите доктори и љубовта на неговата девојка.
„Мислам дека таа заслужува медал за храброст, цело време е со мене.Не можам да поверувам дека се уште е тука. Само поради тоа имам сила да станам секое утро и да ги направам потребните вежби, без разлика колку боли“, изјави Морис.
Двојката неодамна се ожени, а целата церемонија беше придружуван од еден нивни пријател, фотографот Тим Дод, кој објави неколку од сликите од нив на својот блог.