Овие воздушести облачиња за час ќе ги снема …
Потребно е:
за тестото:
1/2 коцка свеж квасец
1 лажиче шеќер
200 гр сирење
1 јајце
1 чаша (од 250 мл) кисело млеко
брашно
за премачкување:
1 жолчка
1 лажица масло
за посипување:
1 белка
100 гр сирење
50 гр путер (поделен на 12 коцкички)
100 гр кашкавал
Подготовка:
– Во 100 мл топла вода разматете го квасецот и 1 лажиче шеќер со неколку лажици брашно. Почекајте 10-тина минути да стаса квасецот.
– Во длабок сад издробете го сирењето, додадете 1 разматено јајце, кисело млеко и 1 лажиче сол.
– Додадете го стасаниот квасец и измешајте да се изедначи. Почнете постепено да го додавате брашното додека да добиете меко тесто кое нема да се лепи на рацете.
– Оставете го тестото да нарасне и двојно да се зголеми. Готовото тесто поделете го на 12 топчиња. Од секое топче направете погачица. Можат да бидат во облик на топче или пак како плетенка.
– Во средината на секоја погачица ставете по едно лажиче издробено сирење кое сте го измешале со белката, Оставете ги да нараснат околу 30 минути.
– Наредете ги во тава обложена со хартија за печење. на секоја погачица ставете една коцка путер. Премачкајте ги со изматена жолчка со малку масло.
– Ставете ги да се печат во загреана рерна на 180 целзиусови степени.
– Кога ќе се заруменат посипете ги со изрендан кашкавал и вратете ги во исклучена рерна за да се растопи кашкавалот.