Малку необичен, а многу вкусен намаз …
Потребно е:
800 гр големи црвени пиперки
1 лута феферонка
2 чешниња лук
1/2 лимон
50 гр ореви
прстофат мелен ким
1/2 лажиче сол
50 мл маслиново масло
30 гр лебни трошки
Подготовка:
– Пиперките убаво измијте ги, избришете ги и ставете ги на решетката во загреана рерна на 200 целзиусови степени. Печете ги 50 минути при што неколку пати превртете ги.
– Печените пиперки излупете ги и исчистете ги од семките.
– Оревите кратко истостирајте ги во тава на рингла.
– Исчистените пиперки, феферонката, лукчето, сокот од 1/2 лимон, ким и претходно тостираните ореви ставете ги во блендер и ситно измелете ги.
– Кога смесата ќе стане хомогена без грутчиња, додадете сол, маслиново масло и лебни трошки па уште малку измешајте.
– Овој намаз послужете го со крекери или испечени кришки леб.