Мачката Рози, за која се верува дека е најстарата мачка на светот, почина на 33-годишна возраст.
Рози починала оваа недела во ходникот од својот дом во Норвич, Норфолк, а покрај неа била нејзината сопственичка Лила Брисет (73), објави Њујорк пост.
Родена во 1991 година, таа беше неофицијален носител на титулата „најстара мачка на светот“, која сега ја презеде 28-годишната мачка Флоси од Кент, родена во 1995 година.
Рози на 1 јуни годинава наполни 33 години, што според проценките е околу 152 човечки години. Лила, која ја посвоила Рози кога била мала, изјавила дека многу ѝ недостига.
„Не беше добро и еден ден само влезе во ходникот од куќата, легна и умре. Сепак, имаше многу убави спомени и среќна сум што поминавме време заедно“, изјавила таа.