Најголемата скара на светот, на која истовремено може да се подготват четири тони месо, е понудена на онлајн аукција за 350.000 долари.
Огромната скара, која се транспортира единствено со камион, е долга 23 метри и тешка 40 тони. Има 24 оделни решетки, а опремена е со ладилник, апарат за точење пиво, телевизор и стерео апарат.
Нејзините сопственици Тери и Ким Фолсом од Тексас имале обичај со неа да одат на „скараџиски турнеи“.
Фолсом заедно со скарата го нудат и камионот, за кој заинтересираниот купувач ќе мора да доплати 50.000 долари.