Дел од оригиналните скали на Ајфеловата кула, идниот понеделник ќе бидат понудени на лицитација во Париз, соопшти аукциската куќа „Арткуријал“.
Петнаесет скалила, високи 3,5 метри и тешки 750 килограми, што своевремено ги поврзувале второто и третото ниво на железната кула, можно е да достигнат цена меѓу 27.000 и 40.000 долари.
Оригиналните скали се заменети во 1983 година во согласност со новиот правилник за безбедност.
Старите скали се исечени на 24 дела, од кои еден е сочуван на Ајфеловата кула, три се испратени во париските музеи, а преостанатите 20 се продадени на аукција.
Ајфеловата кула е крената како експонат на Светската изложба во 1889 година, по повод stoгодишнината од Француската револуција.
Со 300 метри височина се до 1930 година беше највисоката градба на светот.