Кој вели дека не може да се комбинираат животински дезени, линии, цветни дезени, точки… Некои правила се како создадени да се кршат.
Трендовите се менуваат од година во година, од сезона во сезона, но една работа во модата е константна веќе со децении – правилата постојат за да се кршат!
Чанта и чевли во тон
Времето кога чевлите едноставно морале да бидат во согласност со чантата е далеку зад нас. Секако дека тоа не е забрането, но слободно инспирирајте се од околината и комбинирајте се што ќе посакате
Примери со примери
Кој вели дека не може да комбинирате животински дезени, линии, цветни дезени, точки… Тартан во комбинација со леопард, точки во комбинација со линии, се некои од највпечатливите трендови кои имаме можност да ги видиме на улиците на многу модни метрополи.
Сиво и црно
Едно од основните модни правила забранува комбинација на овие бои, а бидејќи нивната комбинација изгледа толку добро, ова правило нема да биде меѓу првите кои ќе ги прекршите.
Модни додатоци и светликави фустани
Зошто украсите или светликавите фустани би биле резервирани за ноќните излегувања? Мини здолништето или фустанчето сепак оставете го за ноќни излегувања, но слободно комбинирајте малку посуптилни парчиња со украси во текот на денот. Само водете сметка другата гардероба и додатоци да не бидат толку нападни.
Сандали на боса нога
Сандалите воопшто не мора да се носат на боса нога. Во комбинација со слатки тенки чорапи или доколенки сандалите изгледаат многу интересно и модерно! А она најважното е дека благодарение на чорапите омилените сандали се враќаат во живот во месеците во кои инаку треба да заборавиме на нив.
Сребро и злато
Исто како сивата и црната, застареното модно правило строго забранува комбинација на злато и сребро. Слободно искомбинирајте златен часовник и ѓердан со сребрена чантичка или чевли. Пуштете ја фантазијата да работи!
