Идеален колач за со кафе или чај …
Потребно е:
200 гр исчистени урми
300 мл вода
2 јајца
100 гр путер
100 гр шеќер во прав
1 лажица екстракт од ванила
1 лажиче сода бикарбона или 1/2 кесичка прашок за пециво
185 гр интегрално брашно
за карамел преливот:
6 лажици кафеав шеќер
100 мл павлака за готвење
100 гр путер
морско оревче или цимет, по желба
Подготовка:
– Извадете ги семките на урмите, исецкајте ги и сварете ги малку во вода. Оставете ги 15-тина минути да се изладат, а потоа со водата во која ги варевте измелете ги во блендер.
– Изматете ги путерот, јајцата, шеќерот во прав и екстрактот од ванила.
– Додадете ги смесата од урми, брашното со содата или прашокот за пециво и убаво изматете.
– Правоаголната тава во која ќе го печете колачот намастете ја и посипете со малку брашно.
– Сипете ја смесата во тавата и ставете да се пече во загреана рерна на 170 целзиусови степени околу 30 минути.
– Оставете го испечениот колач да се лади и за тоа време направете го карамел преливот.. Растопете го кафеавиот шеќер и додадете ја павлаката за готвење и путерот. Мешајте околу 5 минути и тргнете го садот на страна.
– Продолжете со мешањето малку да се излади и прелијте го колачот.
– Исечете го на коцки и посипете со рендано морско оревче или цимет.