Американската поп ѕвезда Лејди Гага ќе глуми во мјузиклот „Џокер: Лудило за двајца“ покрај Хоакин Феникс.
Поради тоа многу работеше на ликот, а и на пеењето, бидејќи тоа ќе биде сосема поинакво од нејзиниот стандарден настап. Американската поп-ѕвезда вели дека нејзиното пеење во претстојниот мјузикл е нешто што никогаш досега не го правела.
„Луѓето ме знаат по моето уметничко име – Лејди Гага, нели? Тоа сум јас, како тој изведувач, но овој филм не е за тоа. Јас играм лик. Работев напорно за моето пеење да го рефлектира Ли (ликот кој го игра), а не Лејди Гага… Како музиката да биде продолжение на дијалогот, а не само да се упадне во песната, туку така“, изјави пејачката за Empire Magazine.
Во мјузиклот Гага ја игра Ли, кој нема талент за пеење.
„Јас сум обучена пејачка, што значи дека дури и моето дишење е различно кога пеам како Ли. Дишењето кога сум на сцена е многу контролирано, но Ли никогаш не би знаела како да го направи тоа… Затоа морав да ги игнорирам сите техники, целата уметност и од внатре да бидам целосно она што Ли“, објасни пејачката.
Режисерот Тод Филипс објасни дека Ли, или Харли Квин, е целосно интерпретација на Гага, иако публиката ќе најде некои сличности со ликот од стрипот што ја инспирирал.
“Таа стана нешто како девојките на Чарлс Менсон. Така луѓето понекогаш ги идолизираат убијците, се угледуваат на нив. Зедовме некои работи кај Харли од стриповите, но ги обликувавме како што сакавме”, додал режисерот.
„Џокер: Лудило во двајца“ треба да ја има светската премиера на филмскиот фестивал во Венеција на 4 октомври годинава.