Веб страницата „Airline Ratings“ ги објави резултатите од своето големо истражуање за безбедноста на авиокомпаниите, составувајќи го списокот на најбезбедни авиопревозници.
„Airline Ratings“ објави два одвоени списоци на авиокомпании, една која се однесува на регуларните и втората што се однесува на нискобуџетните (low cost) авиокомпании.
Нивното истражување ги анализираше забележените резулати во 2014 година, опфаќајќи 449 авиокомпании, за врз основа на нив да се изготви списокот на најбезбедни превозници за престојната година.
Како најбезбедна компанија се издвои „Квантас“( Quantas), со седиште во Сиднеј, потоа следат Air New Zealand, British Airways, Cathay Pacific Airways, Emirates, Etihad Airways, EVA Air, Finnair, Lufthansa и Singapore Airlines. На веб страницата „Airline Ratings“ се наведува дека освен Quantas, другите издвоени компании не се рангирани, туку само наредени по азбучен ред.
На барање на голем број посетители, „Аrline Ratings“ објави посебен список на најбезбедни нискобуџетни авио-компани на кои се најдоа компаниите: Aиr Lingus, Alaska Airlines, Icelandair, Jetblue, Jetstar, Kulula.com, Monarch Airlines, Thomas Cook, TUI Fly и Westjet.
Системот на оценување на веб страницата „Airline Ratings“ предвид зема и голем број фактори поврзани со проверките од страна на регулаторните тела во авионската индустрија и водечките секторски здруженија, контроли на владините организации, како и документите на самите авиокомпании.