Моника Белучи на 16 јануари доаѓа на фестивалот Кустендорф Мокра Гора во Србија.
Српскиот режисер Емир Кустурица изминативе години во Дрвенград на Мокра Гора угости многу славни ѕвезди како Џони Деп, Никита Михалков, Џим Џармуш. Сега на Кустендорф ќе дојде и актерката Моника Белучи.
Моника Белучи е најубавата жена во светот, а воедно и надобрата актерка. Затоа се одлучив да ја донесам и да ја угостам во Србија. Таа ќе биде специјална гостинка на фестивалот Кустендорф кој ќе се одржи од 16. до 22. јануари“, рече Емир Кустурица за спрски Блиц.
Славната италијанска актерка е долгогодишна пријателка на Емир Кустурица, а била одешевена што од белградскиот аеродром со хеликоптер ќе пристигне во магичниот град од дрво.
На фестивалот ќе бидат прикажани најдобрите филмови на Моника Белучи , а таа ќе држи и предавање за студентите на режија.