Овој куглов брзо се подготвува и многу е сочен …
Потребно е:
125 гр путер
150 гр шеќер
3 јајца
200 гр брашно
50 гр мелени бадеми
200 мл млеко
150 мл слатка павлака
200 гр костени
1 ванилин шеќер
1 прашок за пециво
1 лажиче цимет
50 гр сецкано чоколадо
за украсување:
100 гр чоколадо за готвење
2 лажици слатка павлака
Подготовка:
– Костените сварете ги, исчитете им ја внатрешноста и испасирајте ги.
– Во еден сад измешајте ги сите суви состојки.
– Млекото измешајте го со пирето од костени и на крај додадете ја слатката павлака.
– Пенесто изматете го путерот со шеќерот и постепено додавајте едно по едно јаце со постојано матење. Потоа во оваа смеса додадете ги сите суви состојки, а потоа и мешавината со млеко и пире од костени и измешајте со лажица.
– Калапот за куглов намастете го убаво со путер и посипете го со малку брашно. Сипете ја горната смеса во калапот одозгора посипете ја со сецкано чоколадо.
– Ставете да се пече во загреана рерна на 180 целзиусови степени околу 50 минути, но најдобро е по 40 минути да проверите со чепкалка за заби дали е печен.
– Готовиот куглов полијте го со растопено чоколадо со две лажици слатка павлака во него и по желба да го посипете со крупен шеќер.