Британската пејачка Адел доби признание од кралицата Елизабета Втора, во текот на вчерашната кралска прослава.
Во рамките на прославата за роденденот на кралицата, поп пејачката стана член на Британскиот кралски ред, наоѓајќи се на листата на почесни лица.
Како што пренесува „Ројтерс“ два пати годишно се прави список на кој што се наоѓаат лица кои што со својата работа ќе допринесат за државата.
Ова признание веројатно не ја изненади Адел со оглед на тоа што популарната пејачка е во самиот врв на најдобрите британски ѕвезди.
Именуваните членови своите признанија ќе ги добијат од самата кралица во Бакингемската палата, во текот на наредниот период.
Eлена Георгиевска