Многу лесно и брзо ќе го подготвите овој вкусен домашен колач …
Потребно е:
2 јајца
200 гр шеќер
200 мл млеко
200 мл масло
200 гр мелени ореви
200 гр гриз
200 гр брашно
2 изрендани јаболки
1 прашок за пециво
1 ванилин шеќер
малку рум
50 гр џем од кајсии
50 гр сецкани ореви
Подготовка:
– Во еден сад пенесто изматете ги јајцата со шеќерот и ванилиниот шеќер.
– Додадете ги маслото, млекото, оревите, гризот и брашното што претходно сте го помешале со прашокот за пециво. Изматете убаво.
– На крај додадете ги изренданите јаболки и измешајте.
– Горната смеса сипете ја во тава обложена со хартија за печење и ставете да се пече во загреана рерна на 190 целзиусови степени 30-35 минути.
– Печениот колач премачкајте го со џемот од кајсии и посипете го со сецканите ореви.