Вкусен старински колач …
Потребно е:
1 чаша (од 200 мл) шеќер
2 чаши брашно
1/2 чаша мелени ореви
1 чаша кисело млеко
1/2 чаша масло
1 лажица сода бикарбона
1 кесичка карамел бонбони
125 гр путер
Подготовка:
– Во еден подлабок сад ставете ги шеќерот, брашното и мелените ореви.
– Додадете го киселото млеко со содата бикарбона во него. Измешајте и додадете го маслото. Повторно измешајте додека да добиете хомогена смеса.
– Во претходно намастена тава и посипана со малку брашно сипете ја горната смеса и израмнете ја.
– Ставете да се пече во претходно загреана рерна на 160 целзиусови степени додека да добие убава боја. Проверете со дрвена чепкалка за заби дали е печено тестото.
– Во сад на пареа ставете ги бомбоните и путерот и мешајте додека да се растопат.
– Топлата смеса сипете ја над испеченото тесто.
– Оставете го колачот да се излади, исечете го на парчиња и послужете.