Колачите со ореви се неодоливи, а посебно овој во кој оревите се искомбинирани со многу вкусен фил од вишни …
Потребно е:
за бисквитното тесто:
6 јајца
150 гр шеќер
50 гр пченично остро брашно
30 гр какао
за кремот од ореви:
200 гр мелени ореви
100 мл млеко
100 гр шеќер
1 ванилин шеќер
120 гр путер
за филот:
250 гр џем од вишни
50 мл вода
1-2 лажици рум
Подготовка:
– Јајцата и шеќерот пенесто изматете ги. Додадете ги брашното и какаото и убаво узмешајте.
– Смесата сипете ја во тава (36х20 см) претходно премачкана со масло и посипана со малку брашно и ставете да се пече во загреана рерна на 200 целзиусови степени околу 15 минути.
– Во меѓувреме загрејте го млекото до вриење, додадете ги шеќерот и оревите, измешајте и кратко варете ја смесата на тивко.
– Путерот пенесто изматете го и додадете го во малку изладената смеса со ореви.
– Во еден сад на рингла ставете ги џемот од вишни, водата и румот и кратко варете ги. Оставете да се излади и потоа премачкајте го изладеното бисквитно тесто.
– Одозгора распоредете го подготвениот крем од ореви.
– Пред да го послужите колачот убаво изладете го и исечете го на коцки.