Едно вкусно зимско јадење …
Потребно е:
за ќофтињата:
450 гр мешано мелено месо
1 поголема главица кромид, ситно сецкана
2 чешниња лук, ситно сецкани
1 лажица сецкан магдонос
1 парче леб, без корка
1 јајце
1 лажица мелена црвена пиперка
1 рамно лажиче сол
мелен црн бибер
за киселата зелка:
500 гр тенко сецкана кисела зелка
3 листови ловор
3 лажици пасирани домати
1 лажица шеќер
2 полни лажици крем сирење
100 мл млеко
сол, бибер
Подготовка:
– Прво подгответе ги ќофтињата. Натопете го лебот во ладна вода и исцедете го. Месото измешајте го со мелената црвена пиперка, биберот, солта, сецканите кромид и лук, магдоносот и исцедениот леб. Со рака замесете ја смесата. Обликувајте ќофтенца.
– Во подлабоко тенџере ставете ја сецканата кисела зелка, листовите ловор, пасираните домати и шеќерот и измешајте ги. Потоа сипете вода да ја покрие целата зелка и оставете да се динста на средна температура.
– Смалете ја температурата и додадете ги ќофтињата, поклопете го садот и динстајте околу 20 минути, додека да се свари месото.
– Во помал сад измешајте ги млекото и крем сирењето да нема грутки и ова сипете го над ќофтињата и зелката во тенџерето. Полека измешајте и по потреба додадете уште сол и бибер.
– Послужете го топло со парче свеж леб, варени компири или со малку кисела павлака.