Порцеланска чинија од периодот на кинеската династија Сонг (960-1127), e продадена дeнeска на аукција, за 37,7 милиони долари, што е нов рекорд за кинескиот порцелан, соопшти аукциската куќа Сотбис.
Малиот предмет, којшто е стар речиси 900 години, го собори претходниот рекорд од 2014. кога чаша за вино на династијата Минг, беше продадена на неименуван шангајски тајкун за 36,05 милиони долари.
Почетната понуда за чинијата беше 10,2 милиони долари, наддавањето траеше 20 минути, а победничката понуда стигна преку телефон.
Чинијата има пречник од 13 сантиметри и се одликува со светкава сина глазура.
– Со оваа продажба е урнат светскиот аукциски рекорд на која било кинеска керамика, соопшти Сотбис.