Меки воздушести пецива полнети со сирење …
Потребно е:
50 мл млака вода
50 гр свеж квасец
1 лажица шеќер
1 кг меко брашно
500 мл млако млеко
150 мл масло
2 лажичиња сол
2 јајца
1 жолчка
за филот:
300 гр ситно сирење
100 гр маргарин
Подготовка:
– Во еден сад измешајте ги квасецот, брашното, шеќерот со млака вода и оставете да надојдат.
– Во подлабок сад ставете го брашното и направете вдлабнатина во средината. Тука ставете ги надојдениот квасец, солта, маслото, јајцата и жолчката. Замесете тесто со додавање на млака вода. Тестото обликувајте го како топка, покријте го со крпа и оставете да стаса.
– Стасаното тесто поделете го на два дела. Секој дел со сукало развлечете го во форма на елипса. Исечете го по должина, премачкајте со маргарин, ставете по 1 лажица сирење и замотајте ги како на сликата.
– Наредете ги во тава на хартија за печење со растојание меѓу нив, премачкајте ги со неразматена белка, посипете со сусам и крупна морска сол.
– Ставете да се печат во загреана рерна на 200 целзиусови степени околу 20 минути.